इनरुवा । सरकारद्वारा औषधि व्यवसायीमाथि दमन गरिएको आरोप लगाउँदै इनरुवा सहित देशभरका औषधि पसलहरू आज आइतबारदेखि १ घण्टाका लागि बन्दको घोषणा गरेका छन ।
नेपाल औषधि व्यवसायी संघ सुनसरीका थोक उपाध्यक्ष शत्रुधन प्रसाद शाहका अनुसार, औषधि ऐन २०३५ को संशोधित दफा–११ भित्रका केही उपदफा खारेज गर्न माग गर्दै मंसिर ११ देखि शान्तिपूर्ण आन्दोलन सुरु भएको हो।
आज ११ बजे देखि १२ बजे सम्म १ घण्टा सेवा बन्द गरेर विरोध गरियो।आगामी कार्यक्रम अनुसार मंसिर १५ सोमबार ११ देखि १ बजे सम्म पूर्ण सेवा बन्द तथा मंसिर १६ सम्म चरणबद्ध संघर्ष जारी रहने छ।